मोदी म्हणाले, ‘दहशतवाद हे जगासमोर सध्याचे मोठे आव्हान आहे. फ्रान्सला याची जाणीव आहे. फ्रान्स आणि भारतासह जगभरात दहशतवादाचे चटके सोसावे लागत आहेत. दहशतवादाचा खात्मा करण्यासाठी जगाने एकत्र येण्याची गरज आहे.’
मॅक्रॉन म्हणाले, ‘दहशतवादाविरोधात कशा पद्धतीने लढता येईल, यावर पंतप्रधान मोदींबरोबर दीर्घ चर्चा झाली. भारताच्या दहशतवादविरोधातील लढ्याला फ्रान्सचा पूर्ण पाठिंबा आहे. दहशतवादाच्या सर्व प्रकारांविरोधात लढण्यासाठी दोन्ही देश सहमत झाले आहेत.’
भारत आणि फान्समधील संबंध अधिक दृढ व्हावेत, अशी अपेक्षा व्यक्त करताना मोदी म्हणाले, ‘व्यापार असो, की तंत्रज्ञान; नवनिर्मिती असो, वा गुंतवणूक, ऊर्जा, शिक्षण, उद्योग असे कुठलेही क्षेत्र असो; भारत-फ्रान्समधील संबंध आणखी वृद्धिंगत व्हावेत, असे आम्हाला वाटते.’ दोन्ही देशांमधील सांस्कृतिक संबंधांतही वाढ व्हावी, अशी अपेक्षा त्यांनी व्यक्त केली.
नेक भारतीयांनी पहिल्या आणि दुसऱ्या महायुद्धात जागतिक शांततेसाठी युद्धात सहभाग घेतल्याचे वक्तव्य मोदी यांनी केले. त्यावर मॅक्रॉन यांनी दोन्ही महायुद्धातील भारतीयांच्या फ्रान्सच्या बाजूने लढण्याबद्दल आभार मानले. या वेळी मोदी यांनी मॅक्रॉन यांना भारतभेटीचे निमंत्रण दिले. मॅक्रॉन यांनी तत्काळ हे निमंत्रण स्वीकारून या वर्षाअखेरीला ते भारतभेटीवर येतील आणि जागतिक सौर आघाडीची बैठक ते बोलावतील असे प्रतिपादन त्यांनी केले. फ्रान्सचे सर्वांत तरुण अध्यक्ष म्हणून मॅक्रॉन (३९) निवड झाल्याबद्दल मोदी यांनी मॅक्रॉन यांचे अभिनंदन केले.
No comments:
Post a Comment